Солонгосын ихэр волейболчид тамирчин байх эрхээ хасуулж, карьертаа цэг тавьлаа

2021-02-20

Өмнөд Солонгос улсдаа волейболын топ таван тамирчдын тэргүүлэх хоёр тамирчин болох И Да Ён, И Жэ Ён нар шигшээ багаасаа хөөгдөж, тамирчин байх эрхээ хасуулан, цаашлаад ямар нэгэн байдлаар багшлах эрхээ хасуулан, спортын замналдаа цэг тавьжээ.

Өмнөд Солонгосын алдартай ихэр тамирчид дунд сургуульд байхаасаа л волейболын салбарыг шуугиулж, улмаар Солонгосын шигшээ багын гол тамирчид болтлоо шаргуу хөдөлмөрлөн, дэлхийн анхаарлын төвд ороод байсан билээ. Тэгвэл тэд тамирчин байх эрхээ хүртэл хасуулан, шалдаа буусан нь дунд сургуульд байхдаа үеийнхээ хүүхдүүдийг дээрэлхэж, эцэг эхийг нь доромжлон, байж суухын аргагүйд хүргэдэг байжээ. Дунд сургуульд байхаасаа шигшээ багт орох хүртлээ үеийнхээ хүүхдүүдийг дээрэлхэж, алдрын оргилд хүрсэн нь илчлэгдэж, иргэд ч тэдний эсрэг хатуу тэмцэж, хариуцлага тооцож, шийтгэх ёстой хэмээн давалгаалж эхэлжээ.

 

Өсөх ирээдүйтэй, алдрын оргилд төвөггүйхэн хүрсэн ихрүүдийг увайгүй үйлдэл, байж боломгүй бүдүүлэг хэрэг илчлэгдсэн нь И Да Ёны амиа хорлох үйлдлээс эхэлжээ. Тэрээр шигээ багийнхаа бэлтгэлийн өрөөн амиа хорлох гэж байсан ч азаар амьд үлдсэн бөгөөд амиа хорлохоос өмнө удаа дараа өөрийгөө дарамтанд орсон, үхэхийг хүсэж буй тухайгаа цахим хаягтаа бичдэг байжээ. Гэтэл энэ бүх үйлдлийн хариуд ихрүүдэд дээрэлхүүлж байсан хүмүүс эсэргүүцлээ илэрхийлж эхэлсэн байна.

 

 

Улмаар 24 настай ихэр волейболын тамирчид цахим хуудсаараа дамжуулан гаргасан үйлдэлдээ уучлал хүсчээ. Гэвч үлгэр дуурайлал, зан суртахууныг эрхэмлэн дээдэлдэг Өмнөд Солонгос улс волейболын ид гялалзаж явсан хоёр тамирчинг шигшээ багаас нь хөөж, волейболын холбооноос ихэр тамирчдыг Токиогийн олимп болон 2021 оны үндэстнүүдийн лигт оролцох бүрэлдэхүүнд багтаахгүйгээр зогсохгүй тамирчин байх, багшлах эрхийг нь хүртэл хассан байна.

Холбоотой мэдээ