Коронавирусээр халдварласан нэг тохиолдол бүртгэгдэв

2020-12-08

Улсын хэмжээнд ХӨСҮТ-ийн вирус судлалын хоёр лаборатори, ЗӨСҮТ, Сэлэнгэ, Дархан-Уул, Сэлэнгэ, Орхон, Ховд  аймгийн салбар лабораторид өчигдөр буюу энэ сарын 7-нд нийт  27 488 хүнд шинжилгээ хийснээс  Сэлэнгэ аймагт нэг хүнд коронавирус илэрчээ. Харин Улаанбаатар, Дархан-Уул, Орхон, Говьсүмбэр, Дорноговь, Архангай аймгуудад шинэ тохиолдол бүртгэгдсэнгүй.

Өнөөдрийн байдлаар, манай улсад “COVID-19” халдварын тохиолдол 888 болж байна. Үүнээс 384  хүн эдгэрээд буй юм.

ХӨСҮТ болон Цэргийн төв эмнэлэгт коронавирусний улмаас 495 хүн эмчлүүлж байна.

Холбоотой мэдээ