АНУ-ын компаниуд коронавирусын эсрэг вакцин хийлгэхээс татгалзсан ажилчдаа халах эрхтэй

Вашингтон Д.С хотноо төвтэй “Pew Research Center” судалгааны төвөөс өнгөрөгч сард хийсэн санал асуулгад оролцогч 10 америк иргэн тутмын 4 нь коронавирусын эсрэг вакцин хийлгэхгүй гэж хариулсан байна. Харин нийт санал асуулгад оролцогчдын 29 хувь нь вакциныг “заавал хийлгэнэ”, 31 хувь нь “хийлгэж магадгүй” гэж хариулсан бол 21 хувь нь “хийлгэхгүй байх”, 18 хувь нь “огт хийлгэхгүй” гэж хариулжээ.

Тэгвэл АНУ-ын зарим ажил олгогчид коронавирусын эсрэг вакцин хийлгэхээс татгалзсан ажилчдаа ажлаас нь хална гэдгийг анхааруулж эхэлсэн байна. Ялангуяа ресторан болон үзвэр, үйлчилгээний байгууллагууд нийт ажилчиддаа вакцинд зайлшгүй хамрагдах шаардлага тавьж байгаа аж.