О.Батбаяр: Омикрон хувилбарын оргил үе шувтарлаа

Yazguur.mn
2022/01/28

Эрүүл мэндийн сайдын зөвлөх О.Батбаяраас Омикрон мутацын оргил үеийн талаар тодрууллаа.

-Омикрон мутацын тархалт саарч байгааг Эрүүл мэндийн яамны тоон мэдээлэл харуулж байна. Үүнийг Омикрон мутацын халдварын оргил үе дууссан гэж ойлгож болох уу?

-Омикрон халдвар оргил үедээ 20 мянга хүрэх тооцоо судалгаа байсан. Эрүүл мэндийн яамны тоон мэдээллээр хоногт 3000 орчим халдвар бүртгэгдэж байв. Бодит байдал дээр тоон мэдээллээс тав дахин их халдвар бий гэж үздэг юм. Тэгэхээр халдвар буурах төлөвтэй болж, давлагааны оргил үе шувтарлаа.

-Хэдийгээр халдварын оргил үе буурсан ч дахин давлагаа үүсэх эрсдэл бий юү?

-Ерөнхийдөө Омикрон мутацын давлагаа дуусах ч вакцин хийлгээгүй 12-оос доош насныхан, ахмад болон хууч өвчтэй иргэд хүндээр өвдөнө. Халдварын тархалт буурч байгаа гээд иргэд хариуцлага алдаж болохгүй.

-Омикрон мутацын үед нас баралт эрс буурсан. Халдвар томуу шинжтэй хөнгөн байсан учраас гэж үзэж болох уу?

-Тийм. Үүнээс гадна иргэд дархлаажуулалтын нэмэлт тундаа идэвхтэй хамрагдсан нь гол эрсдэлээс хамгаалагч нь болж чадлаа.



Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна