Тавдугаар сарын 8-наас зарим салбар, ААН-ын үйл ажиллагааг нээхгүй байхаар төлөвлөжээ

Т.Алтансүх | Yazguur.mn
2021/05/04

Улсын хэмжээнд өндөржүүлсэн бэлэн байдлын зэрэг шилжүүлсэн Улсын онцгой комисс, Засгийн газрын шийдвэрийн хугацаа энэ сарын 8-ны 06.00 цагт дуусна. Улсын онцгой комиссын Ажлын хэсэг уржигдар орой хуралдаж, тавдугаар сарын 8-наас хөл хориог цуцлах, сулруулах эсэх асуудлыг хэлэлцсэн. Ингэхдээ хөл хориог сулруулах нь зүйтэй гэж үзсэн тухай мэдээлэл гарсан юм. 

Тус ажлын хэсэг өнөөдөр орой хуралдаж уг асуудлыг дахин хэлэлцэхээр төлөвлөжээ. Ажлын хэсгээс эхний ээлжид томоохон зах, худалдааны төвүүдийг нээх хугацааг дахин долоо хоног сунгах саналтай байгаа ажээ. Харин үсчин, гоо сайхан гэх мэт хүн олноороо цугладаггүй зарим үйлчилгээний газрыг нээхээр төлөвлөөд байгаа юм байна. Өдөрт бүртгэгдэж байгаа халдварын тохилдол буурахгүй байгаатай холбоотойгоор ийнхүү хөл хориог бүрэн цуцалж болохгүй гэж үзжээ. 



Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна