Найман сая еврогийн зээлийн гэрээнд гарын үсэг зурлаа

Т.Алтансүх | Yazguur.mn
2021/06/03

Монгол Улсын Засгийн газар, Бүгд найрамдах Австри улсын Засгийн газар хооронд 2019 онд Санхүүгийн хамтын ажиллагааны хэлэлцээр байгуулсан. Энэ хүрээнд хэрэгжүүлэх найман сая еврогийн өртөг бүхий экспортын зээлийн гэрээнд тус улсад суугаа Элчин сайд Г.Баттунгалаг, Австрийн ЮниКредит банкны Зохион байгуулалттай худалдаа, экспортын санхүүгийн газрын дарга Мэри-Анн Хаеэс, Зохион байгуулалттай худалдаа, экспортын санхүүжилт хариуцсан захирал Дорис Пигниттэр нар өчигдөр Вена хотноо гарын үсэг зуржээ.

Төслийн хүрээнд Австрийн “АМЕ Интернешнл” компани Цэргийн төв эмнэлгийн хагалгааны өрөөнүүд, мэс засал, ариутгалын болон судсан дотуурх эмчилгээний багаж хэрэгслийг шинэчлэх, хүний нөөцийн чадавхыг бэхжүүлэх ажлыг зохион байгуулах ажээ. Нийт 40 гаруй нэр төрлийн эмнэлгийн тоног төхөөрөмж, мэс заслын багажны иж бүрдлийг Цэргийн төв эмнэлэгт нийлүүлэх юм байна.



Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна