ОХУ холбооны ял эдлүүлэх албаны эмэгтэйчүүдээс гоо бүсгүй шалгаруулна

Х.Буян-Эрдэнэ | Yazguur.mn
2021/06/10

ОХУ-ын холбооны ял эдлүүлэх алба жил бүр эмэгтэй ажилтнуудынхаа дунд зохион байгуулдаг “Miss penal system” гоо бүсгүйн тэмцээнийхээ шилдэг 12 оролцогчийг танилцууллаа.

Тэмцээнд 100 орчим бүсгүй оролцсон бөгөөд муж бүрээс нэг гоо бүсгүйг шалгаруулжээ. Ийнхүү тунаж үлдсэн 12 гоо бүсгүйд энэ сарын 7-11-ний хооронд санал хурааж, хамгийн өндөр санал авсан бүсгүйд ялагчийн титэм гардуулах аж.

Ийнхүү санал хурааж эхлэхэд одоогийн байдлаар Тувагийн гоо бүсгүй Диана Сат тэргүүлж яваа гэнэ.

60bf921685f5401ab379fed9

60bf927685f54024b167df9b

60bf91c185f540111f497d90

Энэ мэтээр салбартаа гоо бүсгүйн тэмцээн зохион байгуулдаг Оросын төрийн алба зөвхөн холбооны ял эдлүүлэх албаар тогтохгүй гэнэ. Тухайлбал, 2019 онд Оросын үндэсний гвардын зохион байгуулсан гоо бүсгүйн тэмцээнд Свердловск мужийн цагдаагийн офицер Анна Храмцова тэргүүлж байжээ. Храмцова тэмцээнд түрүүлснийхээ дараа цахим ертөнцөд маш их алдартай болсон ч өөрийнх нь тайлбарласнаар ажлын бүсгүйчүүдийн атаархлаас болж удалгүй халагдсан гэдэг. Гэхдээ албаныхны мэдээлснээр Храмцова үндэсний гвардын байгууламж дотор хийсэн бичлэгээ цахим орчинд дэлгэж дүрэм зөрчсөнөөсөө болж халагдсан аж.

Эх сурвалж: RT.COM



Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна