Баянзүрх дүүргийн Онцгой комиссоос мэдээлж байна!

Т.Алтансүх | Yazguur.mn
2021/06/16

Коронавирус цар тахлын нөхцөл байдал өдрөөс өдөрт хүндэрч, халдварын тохиолдол нэмэгдсээр байгаа энэ үед Баянзүрх дүүргийн Онцгой комиссоос иргэд, аж ахуй нэгжүүдээс дэмжлэг, туслалцаа хүсэж байна. Үүнд

1. Коронавирусын халдвар авсан жирэмсэн эхчүүд болон эмнэлэгт хэвтэн эмчлүүлж чадахгүй иргэдийг эмчилж ор дэлгэх зорилгоор нэгэн зэрэг 30-100 хүн хэвтэн эмчлүүлэх боломжтой буудал, оюутны байр гэх мэт том талбай бүхий обьектоор туслалцаа үзүүлэхийг иргэд, аж ахуй нэгжүүдээс хүсэж байна. (Өдрийн 3 хоолтой, 1 хоногийн 50.000 төгрөг)

2. Коронавирусын эсрэг хийж буй тэмцэлд эрүүл мэндийн салбарын эмч, эмнэлгийн ажилтан алба хаагчдын хувьд хүний нөөцийн хомсдолд орсон учраас сайн дураараа нэгдэж, хамтран зүтгэх мэргэжлийн эмч, сувилагч, тусгай чиг үүргийн алба хаагчдаас тусламж хүсэж байна. (Тандалтын баг, Шуурхай баг, Эмнэлэгт ажиллахаас хамаарч өдрийн 30.000-50.000 төгрөг)

3. Коронавирусын батлагдсан тохиолдолд тандалт хийхэд Starex, Delica гэх мэт дунд оврын автомашины туслалцаа шаардлагатай байгаа бөгөөд иргэд, аж ахуй нэгжүүдээс туслалцаа хүсэж байна! (1 хоногийн 50.000 төгрөг)

Цар тахлын амаргүй үед иргэдийн эрүүл мэнд, аюулгүй байдлын төлөө хоёргүй сэтгэлээр хамтран зүтгэх хүсэлтэй иргэд, аж ахуй нэгжүүд доорх утсаар холбогдоно уу.

Утас: 51-266368, 95956993, 80382858

Баянзүрхчүүд хамтдаа хүчтэй!





Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна