Нэгдүгээр ангийн элсэлт ирэх сард цахимаар явагдана

Х.Буян-Эрдэнэ | Yazguur.mn
2021/07/22

Боловсрол шинжлэх ухааны сайд Л.Энх-Амгалан “Намар хичээлийн жилийг хуулийн хугацаанд нээхийн тулд чармайн ажиллана. Есдүгээр сарын 1-нд хичээлээ эхлүүлэхээр аймаг орон нутаг, сургууль цэцэрлэгийн удирдлагуудад чиглэл өгч бэлтгэл ажлаа хангаж байгаа. Гэхдээ эцсийн шийдвэрийг Засгийн газар гаргана” хэмээн ярьсан.

Үүнтэй холбогдуулан ирэх наймдугаар сард орон даяар ЕБС-д шинээр элсэх зургаан настнуудын бүртгэл, элсэлтийг цахимаар зохион байгуулах чиглэлийг БШУЯ-аас өгсөн байна.

Өнгөрсөн жилийн тухайд ЕБС-ийн нэгдүгээр ангийн бүртгэл наймдугаар сарын 3-наас эхэлж, 28 хүртэл үргэлжилж, нийтдээ 39 мянга гаруй зургаан настнууд сурагч болж байв. Цар тахлын улмаас сүүлийн хоёр жилийн хугацаанд ЕБС-ийн сурагчид цахимаар болон телевизээр боловсрол эзэмшсэн билээ.



Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна