Өвөө нь ач охиноо хөл хорионы турш хүчирхийлжээ

Т.Алтансүх | Yazguur.mn
2021/09/16

Хуульч Р.Булгамаа өөрийн цахим хуудсаар дамжуулж, хөл хорионы үеэр өвөө нь ач охиноо таван сарын турш хүчирхийлсэн тухай мэдээллийг нийтэлсэн байна. 


Ковид 19- цар тахлын хөл хорионы үед өвөө эмээ дээрээ байсан бяцхан охин 5 сарын турш өвөөдөө хүчиндүүлж байжээ. Өнөөдөр бяцхан охины мэдүүлэгт хагас өдрийн турш хамт суулаа.

Өглөө цагдаагийн хэлтэс дээр байцаагчруу орохын өмнө бяцхан охин би таньд 2 өдөр зурсан зураг, бүтээсэн цэцгээ бэлэг болгон авчирлаа. Та намайг хамгаалж чадна гэж надад амлаач гэсээр хоолой чичигнүүлэн бэлгээ өгөхөд ямар хүнд байв аа. Тэнгэр газар нийлэх шиг л сэтгэл сэмрээд явчихлаа.



Бэлэгээ нээхээс зүрх шимшрэм. Бэргэж бэргэж уутнаас гаргаад захианаас эхэллээ. Нандигнан боосон энэ захиаг унших агшинд нүдэнд нулимас бүрхээд үнэхээр амаргүй байлаа,... Энэ мөчид нэг л зүйл илүү их санааг минь зовоож байна. Яаж бид хүүхэддээ аюулгүй нийгмийг бий болгох вэ. Ядаж тэдэнд сэтгэлийн хүнд гэмтэл, шархаа даван туулах сэтгэл зүй, эрүүл мэндийн цогц үйлчилгээний талаар хуулинд нэн тэргүүнд тусгуулах юмсан. Гэмт хэрэгтэн хариуцлагаа хүлээгээд явлаа гэхэд хохирогч хүүхдүүдээ гэмт хэрэгтэн хэзээ нэгэн цагт гарч ирээд амь нас, эрүүл мэндэд минь эрсдэл үүсэх вий дээ гэсэн аюул айдасгүй, сэтгэл санаа нь амгалан байх тийм л орчныг бүрдүүлэх нь нэн тэргүүний асуудал юм байна.

Өнгөрсөн 7 хоногт мөн амаргүй захидал хүлээж авсан...

Ээжийгээ 3 жил Солонгост ажиллах үед хамар хашааны ахын хүчирхийлэлд өртөж байсан охин;

Захианыхаа төгсгөлд;

Ээж маань амьдралын эрхээр биднийг орхиод явсан- Ээжийн явуулж байсан 500$-с ээжийхээ энгэрт 5 минут эрхлэх нь илүү үнэ цэнэтэй... Өнөөдөр би ээждээ ч гомдож байна гэж өмгөөлөгчдөө бичсэн сэтгэлийн үгээ төгсгөсөн байсан. Гэмт хэрэгтэн 3 жилийн турш айлган сүрдүүлж эрхшээлдээ байлгасан байсан... Хүүхдүүд ээж аавтайгаа элэг бүтэн байх нь хамгийн эрхэм" хэмээжээ. 

Өвөөдөө хүчиндүүлсэн охины шүүх шинжилгээний хариу өнөөдөр гарна.  Бага насны хүүхдийг хүчирхийлсэн тохиолдолд Эрүүгийн хуулийн шинэчилсэн найруулгын 12.1.3-т зааснаар 16 -аас доош насны хүүхдийг хүчирхийлвэл 8-15 жил хорих ялаар шийтгэх хуулийн заалттай юм. Хүчирхийлэгч үргэлж хүүхдийн эргэн тойронд байдаг учир эцэг эхчүүд та бүхэн хүүхэддээ тавих хараа хяналтаа сулруулахгүй байхыг сэрэмжлүүлж байна.

Эх сурвалж: tsahiur.mn



Сэтгэгдэл (5)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
  • 150.129.143.101
    2021/09/18

    Ач охиноо хүчирхийлнэ гэж хүний ой тоонд орохгүй бузар хэрэг хийсэн хүүрийг цаазал

    Хариулах
  • 103.26.194.221
    2021/09/17

    Хүчингийн хэргийн хорих шийтгэлийн хугацаа арай бага бна. Бүр чангатгатгах хэрэгтэй бна.

    Хариулах
  • 202.21.108.162
    2021/09/17

    өөө ямар бузар хүүр бэ малаас долоон дор

    Хариулах
    • 103.229.122.97
      2021/09/17

      Цаазаар авах хэрэгтэй муу зөнөсөн өвгөнийг

    • 202.126.89.249
      2021/09/17

      nasaar ni horih heregtei