​ Дэлхийн мисс-т Монгол улсыг төлөөлөх А.Бөртэ-Үжин

Т.Алтансүх | Yazguur.mn
2021/10/11

Өнөө жилийн Дэлхийн мисс тэмцээн АНУ-д арванхоёрдугаар сард болно. 123 орны мисс өрсөлдөх тус тэмцээнд Монголоос эх орноо төлөөлөн оролцох үндэсний ялагч тодорчээ. Энэ удаагийн Дэлхийн мисс-т А.Бөртэ-Үжин өрсөлдөхөөр болсон байна.

Соёл Урлагийн их сургуулийн Бүжгийн урлагийн сургуулийг Бүжгийн багш найруулагч мэргэжлээр төгссөн тэрбээр Англи, Япон, Герман, Хятад хэлтэй. А.Бөртэ-Үжин нь мэргэжлийн уран нугараач бөгөөд олон улсад уран нугаралтын аялан тоглолтууд хийсэн туршлагатай.

Дэлхийн мисс-д амжилттай оролцсон Монголын миссүүд

Дэлхийн мисс-ийн тэмцээн бол олон улсын гоо сайхны тэмцээнүүдээс хамгийн нэр хүндтэй тэмцээн. Анх 1951 онд Их Британийн Эрик Морли зар сурталчилгааны байгууллага зохион байгуулснаас хойш тив, дэлхийн тэмцээн болтлоо өргөжсөн гэдэг. Тэгвэл энэхүү нэр хүндтэй олон улсын тэмцээнд Монгол Улсаа төлөөлөн оролцож, амжилт гаргаад буй мисс бүсгүйчүүдээ танилцуулья.

Монгол Улс анх 2005 онд Дэлхийн мисс-д оролцсон эхэлсэн бөгөөд тухайн үед загвар өмсөгч, мисс Б.Хонгорзул эх орноо төлөөлөн оролцсон юм. Харин 2006 онд Э.Сэлэнгэ, 2007 онд Г.Оюунгэрэл, 2008 онд Ч.Ану, 2009 онд Б.Батцэцэг, 2010 онд А.Сарнай, 2011 онд Ө.Буянхишиг нар оролцож байжээ.



Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна