Вьетнам иргэнийг дээрэмдсэн этгээдүүдийг илрүүлэн шалгаж байна

Т.Алтансүх | Yazguur.mn
2021/10/23

Монголд оршин суудаг, Вьетнам улсын иргэнийг дээрэмдсэн хэрэг гарсныг цагдаагийн байгууллага шалгаж, хэрэгтнүүдийг илрүүлсэн байна.

Тодруулбал, 2021 оны аравдугаар сарын 22-ны 11:13 цагт Баянзүрх дүүргийн 19 дүгээр хороонд оршин суух БНСВ улсын иргэнийг энэ оны аравдугаар сарын 21-ний өдрийн 21:00 цагийн орчим гэррүүгээ орох үед нь мөнгө, эд зүйлийг дээрэмдсэн талаарх дуудлага мэдээлэл Цагдаагийн байгууллагын 102 тусгай дугаарын утсанд иржээ.

Баянзүрх дүүрэг дэх Цагдаагийн газрын Нэгдүгээр хэлтсийн эрүүгийн цагдаагийн тасаг, Мөрдөн байцаах тасгийн алба хаагчид мөрдөн шалгах ажиллагааг шуурхай явуулсны үр дүнд гэмт хэрэг үйлдсэн этгээдүүдийг хэн болохыг олж тогтоон холбогдох шалгалтыг явуулж байгаа талаар Баянзүрх дүүрэг дэх Цагдаагийн газрын мөрдөн шалгах ажиллагаа хариуцсан чиглэлийн ахлах мөрдөгч, цагдаагийн хошууч С.Ууганбаяр мэдээллээ.



Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна